- By Keti Khomeriki
- In სამართალი
მერქნიანი მცენარის უკანონო გაჩეხვის ბრალდებით ხაშურის მუნიციპალიტეტში ერთი პირი დააკავეს
საქართველოს შინაგან საქმეთა სამინისტროს შიდა ქართლის პოლიციის დეპარტამენტის ხაშურის რაიონული სამმართველოს თანამშრომლებმა ჩატარებული ოპერატიული ღონისძიებებისა და საგამოძიებო მოქმედებების შედეგად მერქნიანი მცენარის უკანონო გაჩეხვის ბრალდებით 1999 წელს დაბადებული თ.ნ. დააკავეს.
„გამოძიებით დადგინდა, რომ ბრალდებულმა ხაშურის მუნიციპალიტეტის სოფელ ალის სატყეო უბნის ერთ-ერთ მონაკვეთზე ფოთლოვანი ჯიშის მერქანი შემდგომში რეალიზაციის მიზნით უკანონოდ გაჩეხა. სამართალდამცველებმა ბრალდებული სოფელ ალის ტერიტორიაზე იმ დროს დააკავეს, როდესაც სახელმწიფო სანომრე ნიშნის გარეშე არსებული ავტომობილით უკანონოდ მოპოვებული ხის მასალა გადაჰქონდა“, – აცხადებენ შსს-ში.
გამოძიება მერქნიანი მცენარის უკანონო გაჩეხვის ფაქტზე სისხლის სამართლის კოდექსის 303-ე მუხლის პირველი ნაწილით მიმდინარეობს. დანაშაული სამ წლამდე ვადით თავისუფლების აღკვეთას ითვალისწინებს.
