მეუფე მელქისედეკი საქართველოს მოსახლეობას და ყველა ჭეშმარიტ მართლმადიდებელს დამდეგ შობა-ახალ წელს ულოცავს
,,GEO NEWS” წარმოგიდგენთ ჩვენი რესპონდენტებისა და საქართველოს გამორჩეული პერსონების საახალწლო მილოცვებს :
მეუფე – მელქისედეკ ( დიაკონიძე )
,,მივესალმები ჩემს საქართველოს და ვულოცავ შობა-ახალ წელს ყველა ქართველს, ყველა მართლმადიდებელს, ყველა მოქალაქეს ჩემი ქვეყნისა, ემიგრანტსა თუ შინ მყოფს. ყველას ვისაც გული შესტკივა, ვისაც სტკივა ტკივილი საქართველოსი და უხარია მისი სიხარული.
დღეგრძელობას ვუსურვებ ყველას, სიყვარულს და გამრავლებას – გამრავლებას ჭირნახულისა, აზროვნებისა, გონებისა და სიკეთისა.
მინდა ასეთი რამ ვუთხრა ჩემს ხალხს, თან ვუთხრა ლექსად, რომელიც მეგობარმა დაწერა :
,,…სიცოცხლე დათვლის სიმარტივეა,
უკუთვლით მალე იქნება –ერთი,
ხიდს აქეთ თურმე სიმარტოვეა,
ხიდს იქეთ იქნებ მარტოა ღმერთი…
ეს ხიდი ჩვენი ბედის არის სადარი,
ჩუმად მითხარით ახლა სადა ვარ,
ნისლია ჩემი შიშის მხატვარი,
მაგრამ ამ ხიდზე მაინც ავალ” !
მოამზადა – ირაკლი გიორგაძემ
,,GEO NEWS”
