- By Keti Khomeriki
- In პოლიტიკა
მიხაელ როთი – საქართველოს მთავრობამ უარი თქვა ჩვენთან საუბარზე, მხოლოდ საგარეო ურთიერთობათა კომიტეტის თავმჯდომარემ მიგვიღო
საქართველოს მთავრობამ უარი თქვა ჩვენთან საუბარზე, ჩვენ აქ არ ვართ, რომ ვასწავლოთ, ჩვენ აქ ვართ, რომ მოვუსმინოთ ერთმანეთს, – ამის შესახებ ბუნდესტაგის საგარეო საკითხთა კომიტეტის თავმჯდომარე მიხაელ როთი სოციალურ ქსელში წერს.
როთის თქმით, მან შეხვედრა გამართა ნიკოლოზ სამხარაძესთან.
„მხოლოდ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ მიგვიღო. მან გვიმასპინძლა არა პარლამენტში, არამედ პარტია „ქართული ოცნების“ ოფისში“, – წერს როთი.
საქართველოში ევროკავშირის წევრი ხუთი ქვეყნის, ჩეხეთი, პოლონეთი, გერმანია, ლიეტუვა, ფინეთი, პარლამენტთა საგარეო საქმეთა კომიტეტების თავმჯდომარეების ვიზიტი მიმდინარეობს. თბილიში შეხვედრებს მართავენ პაველ ფიშერი, ბოგდან კლიხი, მიხაელ როთი, ჟიგიმანტას პავილიონისი და სებასტიან ტინკინენი.
