მოქმედმა და ყოფილმა საჯარო მოხელეებმა საპროტესტო აქცია გამართეს
საპროტესტო აქცია გამართეს მოქმედმა და ყოფილმა საჯარო მოხელეებმა. სხვადასხვა უწყების მოქმედი და ყოფილი თანამშრომლები მთავრობის 28 ნოემბრის გადაწყვეტილებას ევროინტეგრაციის პროცესის შეჩერებად და კონსტიტუციის დარღვევად აცხადებენ. აქციის მონაწილეებს შეუერთდა პროფესორ-მასწავლებლებისა და სტუდენტების ნაწილიც. რესპუბლიკის მოედანზე შეკრებილებმა მოგვიანებით მსვლელობით რუსთაველის გამზირზე მიმდინარე აქციაზე გადაინაცვლეს.
