- By Keti Khomeriki
- In პოლიტიკა, სიახლეები
ნიკოლოზ სამხარაძე : კონსტიტუციის დარღვევას არავის ვურჩევ, მით უმეტეს, სალომე ზურაბიშვილს, რომელმაც კონსტიტუცია ერთხელ უკვე დაარღვია, ეს რაღაც რეციდივისტივით გამოვა, მგონი, არ არის ლამაზი
კონსტიტუციის დარღვევას არავის ვურჩევ, მით უმეტეს, სალომე ზურაბიშვილს, რომელმაც კონსტიტუცია ერთხელ უკვე დაარღვია, ეს რაღაც რეციდივისტივით გამოვა, მგონი, არ არის ლამაზი, – ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.
მისი თქმით, დიდი ხანია, სალომე ზურაბიშვილი მჭიდრო კომუნიკაციაშია როგორც ოპოზიციასთან, ასევე არასამთავრობო ორგანიზაციების ნაწილთან.
„2024 წლის საპარლამენტო არჩევნებში მონაწილეობას თუ გადაწყვეტს, შეიძლება, ყველაფერი სწორედ აქეთკენ მიდიოდეს, რადგან სხვანაირად აუხსნელი და ალოგიკურია, როგორ შეიძლება, პრეზიდენტმა კონსტიტუცია დაარღვიოს. „ქართული ოცნების“ ამომრჩეველი თუ უკვე ხმას არ მისცემს, მაშინ ნათლად გამოჩნდება, რომ მას არანაირი პოლიტიკური წონა არ აქვს. შესაბამისად, თუ საპარლამენტო არჩევნებში მონაწილეობას მიიღებს, კარგად გამოჩნდება, რომელმა ამომრჩეველმა მისცა ხმა და რომელმა ამომრჩეველმა გააპრეზიდენტა სალომე ზურაბიშვილი“, – აღნიშნა სამხარაძემ.
