- By Keti Khomeriki
- In პოლიტიკა
ნიკოლოზ სამხარაძე – საქართველოს ხელისუფლებას როდესაც მოუწოდებენ, ვიღაც კანონდარღვევით გაათავისუფლოს, ეს არის პირდაპირი ზეწოლა ქვეყანაში კანონის უზენაესობაზე
საქართველოს ხელისუფლებას როდესაც მოუწოდებენ, ვიღაც კანონდარღვევით გაათავისუფლოს, ეს არის პირდაპირი ზეწოლა ქვეყანაში კანონის უზენაესობაზე, – ამის შესახებ საპარლამენტო უმრავლესობის წევრმა, ნიკოლოზ სამხარაძემ განაცხადა.
მისივე თქმით, კონსტიტუციაშიც წერია, რა უფლებები აქვს საპარლამენტო საგამოძიებო კომისიას, ამდენად, არანაირი თვითნებობას მოსამართლის თუ პროკურორის მხრიდან ადგილი არ აქვს.
„ჩვენი პარტნიორები თუ მოგვიწოდებენ, რომ საქართველოში უნდა იყოს კანონის უზენაესობა, მაშინ გაურკვეველია, რატომ მოგვიწოდებენ ისინი, რომ არ დავიცვათ კანონი. როდესაც ვიღაც, მოუწოდებს საქართველოს ხელისუფლებას, ვიღაცა კანონდარღვევით გაათავისუფლოს, ეს არის პირდაპირი ზეწოლა საქართველოში კანონის უზენაესობაზე. შავით თეთრზე წერია, მათ შორის კონსტიტუციაშიც წერია, რა უფლებები აქვს საპარლამენტო საგამოძიებო კომისიას. ასევე წერია, რა ხდება თუ საპარლამენტო საგამოძიებო კომისიაში პირი არ მოდის თავისი ნებით, როდესაც ის დაბარებულია. შესაბამისად, აქ არანაირ თვითნებობას, არც მოსამართლის, პროკურორის, არც არავის მხრიდან ადგილი არ აქვს, რადგან მკაფიო ჩანაწერი არის კანონში. ყველა ის ადამიანი, რომელიც აკრიტიკებს ამ ფაქტს, ის თავისთავად ასევე თავს ესხმის საქართველოს კანონმდებლობას“, – განაცხადა სამხარაძემ.
