- By Keti Khomeriki
- In მსოფლიო
ნიკოლ ფაშინიანი „მშვიდობის საბჭოში“ მონაწილეობის მისაღებად ვაშინგტონში გაემგზავრა
სომხეთის პრემიერ-მინისტრი ნიკოლ ფაშინიანი სამუშაო ვიზიტით აშშ-ში გაემგზავრა. ამის შესახებ პრემიერ-მინისტრის პრესმდივანმა, ნაზელი ბაღდასარიანმა განაცხადა.
ხვალ ფაშინიანი ვაშინგტონში „მშვიდობის საბჭოს“ პირველ სხდომას დაესწრება.
„მშვიდობის საბჭოს“ წევრად დაახლოებით მსოფლიოს 60 ლიდერია მიწვეული, რომელთაგან ზოგიერთი, მათ შორის სომხეთი, დამფუძნებელი წევრები არიან. აშშ-ის პრეზიდენტი დონალდ ტრამპი „მშვიდობის საბჭოს“ თავმჯდომარეა.
მანამდე უნგრეთის პრემიერ-მინისტრმა, ვიქტორ ორბანმა განაცხადა, რომ ვაშინგტონში „მშვიდობის საბჭოს“ პირველ სხდომას დაესწრება. მისი თქმით, ეს ისტორიული მომენტია.
