პაატა შავაძე : ,,გვარაკიძეზე შეტევა სინამდვილეში სამართალზე შეტევაა” !
ცნობილი ადვოკატის, ჩვენი გამორჩეული რესპონდენტის, ბატონი პაატა შავაძის აზრით, გენერალურ პროკურორ, გიორგი გვარაკიძეზე შეტევა სინამდვილეში სამართალზე შეტევაა.
პაატა შავაძე : ,,როცა კონკრეტულ საქმეში, კონკრეტული მტკიცებულებების გარეშე, იწყება პერსონალური ლინჩი – ეს აღარ არის კრიტიკა, ეს არის მიზანმიმართული დისკრედიტაცია.
გვარაკიძე არ არის ის ფიგურა, ვისზეც ემოციური სლოგანებით შეიძლება „დაწერა“.
ის არის პროფესიონალი, რომლის თითოეული გადაწყვეტილება ეფუძნება საქმის მასალებს, მტკიცებულებებს და კანონს და არა ფეისბუქის სტატუსებს, პოლიტიკურ დაკვეთებს ან ქუჩის განწყობას.
დღეს ვხედავთ კლასიკურ სცენარს :
როცა სამართალი არ ემთხვევა ვიღაცის სურვილს – იწყება გვარაკიძის დემონიზაცია.
როცა ფაქტები არ აწყობთ – იწყება ემოციებით თამაში.
როცა არგუმენტი არ აქვთ – იწყება ადამიანის პიროვნებაზე შეტევა.
ეს არის სუსტი პოზიციის ნიშანი.
თუ ვინმეს აქვს პრეტენზია კონკრეტულ საქმეზე – გამოიტანოს კონკრეტული სამართლებრივი არგუმენტი :
რომელი მუხლი დაირღვა ?
რომელი მტკიცებულება იგნორირდა ?
რომელი პროცედურა ჩაიშალა ?
თუ ამას ვერ ასახელებენ, მაშინ უნდა ითქვას პირდაპირ : ეს არ არის ბრძოლა სამართლიანობისთვის –
ეს არის პოლიტიკური ზეწოლა სამართალდამცავზე.
გვარაკიძის მხარდაჭერა ნიშნავს ერთ რამეს : პროკურორმა უნდა იმუშაოს კანონის მიხედვით და არა ბრბოს დაკვეთით.
დღეს თუ ამას არ დავიცავთ, ხვალ არც ერთი საქმე აღარ გადაწყდება მტკიცებულებებით – გადაწყდება ხმაურით.
და ეს უკვე სახელმწიფოს დასასრულია.
ეს აღარ არის კრიტიკა – ეს არის მიზანმიმართული ბინძური კამპანია.
როცა კონკრეტულ საქმეზე ვერ ასახელებ ვერც ერთ სამართლებრივ არგუმენტს და ამის ნაცვლად გენერალურ პროკურორს სახეზე „აკრავ“ ტრაგედიას – ეს ნიშნავს ერთ რამეს : სიმართლე შენ მხარეს არ არის.
გვარაკიძეს ებრძვიან არა იმიტომ, რომ კანონი დაარღვია, არამედ იმიტომ, რომ კანონის ფარგლებში იმოქმედა და ეს ბევრს არ აწყობს.
ვინც დღეს გვარაკიძეს ადანაშაულებს, ვალდებულია საჯაროდ უპასუხოს მარტივ კითხვებს :
რომელი მტკიცებულება იყო უკანონო ?
რომელი პროცედურა დაირღვა ?
რომელი გადაწყვეტილება ეწინააღმდეგება სისხლის სამართლის კოდექსს ?
თუ ამ კითხვებზე პასუხი არ აქვთ, მაშინ ყველაფერი დანარჩენი არის სიცრუე, სპეკულაცია და ემოციური მანიპულაცია.
ქალის ტრაგედიით პოლიტიკური ქულების დაწერა არის ზნეობრივი ფსკერი. ეს არ არის არც ჰუმანიზმი, არც სამართლიანობა – ეს არის ცინიზმი უმაღლეს დონეზე.
პროკურორი ვალდებულია იმოქმედოს მტკიცებულებებით და თუ ეს ვინმეს არ მოსწონს — პრობლემა კანონში კი არა, მის მოლოდინებშია.
დღეს გვარაკიძეს თუ „გავატეხინებთ“ ბრბოს ზეწოლით, ხვალ არც ერთ პროკურორს აღარ ექნება უფლება დამოუკიდებლად იმუშაოს.
ხვალ სამართალი აღარ გადაწყდება საქმეში არსებული ფაქტებით – გადაწყდება ფეისბუქის კომენტარებით.
და ეს იქნება არა სამართლიანობის გამარჯვება, არამედ სახელმწიფოს კაპიტულაცია.
ამიტომ ითქვას მკაფიოდ :
გვარაკიძეზე შეტევა არის სამართლის წინააღმდეგ მიმართული შეტევა და ვინც ამას ხელს აწერს, ის პასუხს აგებს აუცილებლად ისტორიის წინაშეც”,- აღნიშნავს შავაძე.
P.S. ბატონი პაატას, პოზიცია იმ კამპანიაზე, რომელიც მიმდინარეობს, რასაც სრულად ვიზიარებთ.
მოამზადა ქეთი ხომერიკმა
,,GEO NEWS”
