პაატა შავაძე : ,,გიორგი გვარაკიძის გადაწყვეტილება – ძლიერი ინსტიტუტის ლოგიკა”…
პროკურატურის თანამშრომელთა ხელფასების ზრდაზე ატეხილი ხმაური არის მაგალითი იმისა, თუ როგორ ცდილობენ სახელმწიფოებრივი გადაწყვეტილების პოპულისტურად დაკნინებას, აცხადებს გამორჩეული ადვოკატი და ჩვენი ერთგული რესპონდენტი, ბატონი პაატა შავაძე.
,,ფაქტია ერთი :
ძლიერი სახელმწიფო ვერ იარსებებს სუსტ, დაუფასებელ და მუდმივი ზეწოლის ქვეშ მყოფ სამართალდამცავ სისტემაზე.
გიორგი გვარაკიძემ ხელი მოაწერა არა „პრივილეგიების გაზრდას“, არამედ ინსტიტუციური სტაბილურობის გადაწყვეტილებას.
პროკურორი, რომელიც იღებს ღირსეულ ანაზღაურებას :
• ნაკლებად ექვემდებარება ზეწოლას;
• ნაკლებად არის მოწყვლადი კორუფციის მიმართ;
• უფრო დამოუკიდებელია გადაწყვეტილების მიღებაში.
ეს არის ელემენტარული სახელმწიფოებრივი ლოგიკა, რომელსაც ან ვერ იგებენ, ან შეგნებულად ამახინჯებენ.
რაც შეეხება „წელთა ნამსახურობის დანამატს“ – გამოცდილება სამართალში არ არის ნაკლი, არამედ კაპიტალი.
სახელმწიფო, რომელიც გამოცდილ კადრს არ უფასებს, საკუთარ სისტემას თავად ანგრევს.
ყველაზე მარტივი კითხვა ასეთია : გვინდა პროკურატურა, რომელიც დაკომპლექტებულია შემთხვევითი, დროებითი და დაუცველი ადამიანებით ?
თუ გვინდა პროფესიული, სტაბილური და პასუხისმგებლობის მქონე უწყება ?
გიორგი გვარაკიძის გადაწყვეტილება პასუხობს სწორედ ამ მეორე არჩევანს.
და ბოლოს – ხელფასების ზრდა არ არის პროკურატურის „გადარჩენა“.
ეს არის სახელმწიფოს გადარჩენის ინსტინქტი.
ვინც ამას ვერ ხედავს, ან არ ესმის ინსტიტუციური მართვა,
ან შეგნებულად ებრძვის სახელმწიფოს გაძლიერებას”….აცხადებს პაატა შავაძე.
ირაკლი კერესელიძე
,,GEO NEWS”
