- By Keti Khomeriki
- In მსოფლიო
რუსეთის სახელმწიფო დუმის თავდაცვის კომიტეტის წევრი აცხადებს, რომ რუსეთმა, შესაძლოა, დიდი ბრიტანეთის ტერიტორიაზე პრევენციული დარტყმა განახორციელოს, თუ მისგან საფრთხე იქნება
რუსეთმა, შესაძლოა, დიდი ბრიტანეთის ტერიტორიაზე პრევენციული დარტყმა განახორციელოს, თუ მისგან საფრთხე იქნება, – ამის შესახებ რუსეთის სახელმწიფო დუმის თავდაცვის კომიტეტის წევრმა, ანდრეი კოლესნიკმა განაცხადა.
რუსი დეპუტატის თქმით, მოსკოვს აქვს ყველა შესაძლებლობა სწრაფი და გამანადგურებელი რეაგირებისთვის.
„ბრიტანეთი რუსეთის წინააღმდეგ ძალას თუ გამოიყენებს, მაშინ რუსეთის ფედერაციაც ძალას გამოიყენებს საპასუხოდ და ამას საომარი მოქმედებების კანონების შესაბამისად გააკეთებს. პასუხი მალე იქნება, შესაძლოა, პრევენციულიც კი, ჩვენი რაკეტები უფრო სწრაფია. რუსეთი არანაირ გარემოებაში არ დაუშვებს, რომ შეურაცხყოფილი იყოს, ამიტომ, დაე, ბრიტანელებმა ინერვიულონ“, – განაცხადა ანდრეი კოლესნიკოვმა.
