- By Keti Khomeriki
- In მსოფლიო
რუსეთის ფედერაციის საბჭომ ირანთან სტრატეგიული პარტნიორობის შეთანხმების რატიფიცირება განახორციელა
რუსეთის ფედერაციის საბჭომ ირანთან სტრატეგიული პარტნიორობის შეთანხმების რატიფიცირება განახორციელა.
შეთანხმებას ხელი მოეწერა იანვარში, ირანის პრეზიდენტის, მასუდ ფეზეშქიანის მოსკოვში ვიზიტის დროს. დოკუმენტი ადგენს სამართლებრივ ჩარჩოს მოსკოვსა და თეირანს შორის გრძელვადიან პერსპექტივაში თანამშრომლობის შემდგომი განვითარებისთვის.
შეთანხმება ადგენს რუსეთისა და ირანის, როგორც სტრატეგიული პარტნიორების, სტატუსს და მოიცავს ყველა სფეროს, მათ შორის თავდაცვის, კონტრტერორიზმის, ენერგეტიკის, ფინანსების, ტრანსპორტის, მრეწველობის, სოფლის მეურნეობის, კულტურის, მეცნიერებისა და ტექნოლოგიების ჩათვლით.
