- By Keti Khomeriki
- In მსოფლიო
რუსეთი, ირანი, ბელარუსი, ჩრდილოეთ კორეა და მიანმარი ევრაზიის ქარტიის შემუშავებაზე შეთანხმდნენ
რუსეთი, ირანი, ბელარუსი, ჩრდილოეთ კორეა და მიანმარი ევრაზიის ქარტიის შემუშავებისთვის კონსულტაციების დაწყებაზე შეთანხმდნენ. ქვეყნები ამ მიზნით კონსულტაციებს დაიწყებენ. ეს ხუთ ქვეყანას შორის რეგიონული და გლობალური მმართველობის ჩარჩოებში უფრო მჭიდრო კოორდინაციის სიგნალია.
ქარტიაზე მუშაობა პირველად 2023 წელს მინსკის კონფერენციაზე შემოთავაზებული ინიციატივის შემდეგ დაიწყო.
2024 წლის ნოემბერში ბელარუსმა და რუსეთმა დაასრულეს მუშაობა დოკუმენტზე სახელწოდებით „ერთობლივი ხედვა“, რომელშიც გამოკვეთილია ძირითადი საერთო პრინციპები, რომლებიც საფუძვლად დაედება ევრაზიის ქარტიის პროცესს.
ეს პრინციპები მოიცავს მრავალპოლარობისადმი ერთგულებას, ევრაზიის სტრატეგიული მნიშვნელობის აღიარებას, ახალი უსაფრთხოების არქიტექტურის ფორმირებას და მონაწილე სახელმწიფოებს შორის მიღწეული შეთანხმებების განხორციელების პრაქტიკულ გზამკვლევს.
