- By Keti Khomeriki
- In მსოფლიო, საზოგადოება
სალომე ზურაბიშვილი საფრანგეთში ვოლოდიმირ ზელენსკის შეხვდა
საქართველოს პრეზიდენტი სალომე ზურაბიშვილი საფრანგეთში უკრაინის პრეზიდენტს, ვოლოდიმირ ზელენსკის შეხვდა. ინფორმაციას ამის შესახებ საქართველოს პრეზიდენტის ადმინისტრაცია ავრცელებს.
„საქართველოს პრეზიდენტთან შეხვედრისას უკრაინის პრეზიდენტმა ქართველ ხალხს სრული მხარდაჭერა გამოუცხადა“, – აცხადებენ პრეზიდენტის ადმინისტრაციაში.
შეხვედრის შესახებ სოციალურ ქსელში დაწერა სალომე ზურაბიშვილმაც.
„გმადლობ, პრეზიდენტო ზელენსკი, ქართველი ხალხის მტკიცე და ურყევი მხარდაჭერისთვის. ჩვენი ბრძოლა დამოუკიდებლობისთვის, თავისუფლებისა და ევროპული მომავლისთვის გაიმარჯვებს – ამას ალტერნატივა არ აქვს“, – წერს სალომე ზურაბიშვილი სოციალურ ქსელ X-ში.
სალომე ზურაბიშვილი ვიზიტით საფრანგეთში დღეს, პარიზის ღვთისმშობლის ტაძრის გახსნის ცერემონიაზე დასასწრებად ჩავიდა.
