- By Keti Khomeriki
- In პოლიტიკა
სამართალდამცავები მართლწესრიგის აღდგენას ცდილობენ
მომიტინგეებსა და სამართალდამცავებს შორის დაპირისპირება გრძელდება.
წყლის ჭავლის გამოყენებით სპეცრაზმმა ჩააქრო ცეცხლი, რომელიც მომიტინგეებმა ბარიკადებს წაუკიდეს.
მიმდებარე ტერიტორია ბარიკადებისგან თავისუფალია.
აქციის მონაწილეთა ერთმა ნაწილმა სასტუმრო ,,თბილისი მერიოტის” მიმდებარე ტერიტორიაზე გადაინაცვლა.
მომიტინგეები სამართალდამცავების მისამართით ისვრიან სხვადასხვა ნივთებს, სპეცდანიშნულების რაზმი კი, მათ წინააღმდეგ ე.წ წიწაკის სპრეის იყენებს.
ადგილი ჰქონდა მომიტინგეების დაკავებასაც, თუმცა ჯერ-ჯერობით დაკავებულთა შესახებ შინაგან საქმეთა სამინისტროს ინფორმაცია არ გაუვრცელებია.
ადგილზე კვლავ რჩებიან, როგორც აქციის მონაწილეები, ისე სპეცდანიშნულების რაზმის წარმომადგენლები. საჭიროების შემთხვევაში ადგილზე მობილიზებულია სასწრაფო დახმარების ბრიგადები.
ირაკლი გუნია
