- By Keti Khomeriki
- In სამართალი
სასაზღვრო პოლიციის თანამშრომლებმა წითელი ცირკულარით ძებნილი თურქეთის მოქალაქე დააკავეს
შინაგან საქმეთა სამინისტროს სასაზღვრო პოლიციის თანამშრომლებმა 2 000 წელს დაბადებული თურქეთის რესპუბლიკის მოქალაქე ბ.ი. ბათუმში დააკავეს. ინფორმაციას საქართველოს სასაზღვრო პოლიცია ავრცელებს.
მათივე ცნობით, დაკავებული თურქეთის სამართალდამცავი ორგანოების მიერ საერთაშორისო დონეზე წითელი ცირკულარით თაღლითობისთვის იძებნებოდა.
„დაკავებული ბ.ი. საქართველოს ტერიტორიაზე ოფიციალურად ჯერ კიდევ მაშინ შემივიდა, ვიდრე მასზე საერთაშორისო ძებნა გამოცხადდებოდა.
დაკავებულის მიმართ კანონით გათვალისწინებული საექსტრადაციო პროცედურები მიმდინარეობს“, – ნათქვამია უწყების ინფორმაციაში.
