- By Keti Khomeriki
- In მსოფლიო
საფრანგეთის, დიდი ბრიტანეთის, გერმანიის, იტალიისა და პოლონეთის თავდაცვის მინისტრებმა პარიზში შეხვედრაზე ევროპის უსაფრთხოების საკითხი განიხილეს
პარიზში საფრანგეთის, დიდი ბრიტანეთის, გერმანიის, იტალიისა და პოლონეთის თავდაცვის მინისტრების შეხვედრა გაიმართა.
ხუთი ქვეყნის თავდაცვის უწყების ხელმძღვანელებმა ევროპის უსაფრთხოების საკითხი განიხილეს.
შეხვედრის შემდეგ საფრანგეთის თავდაცვის მინისტრმა, სებასტიან ლეკორნუმ უკრაინის მხარდაჭერის ფორმატთან დაკავშირებით კონსენსუსის შესახებ განაცხადა.
„უკრაინისთვის უსაფრთხოების პირველი გარანტია აშკარად თავად უკრაინის არმიაა. ჩნდება სიტყვა დემილიტარიზაცია, მაგრამ ეს არ არის ის შემთხვევა. პირიქით, გრძელვადიანი უსაფრთხოების რეალური გარანტია იქნება შესაძლებლობები, რომლის მიცემასაც ჩვენ შევძლებთ უკრაინის არმიისთვის. ამ ეტაპზე 15 ქვეყანაა დაინტერესებული უკრაინისთვის ახალი უსაფრთხოების ფორმატით, რომელიც ითვალისწინებს უკრაინაში ცეცხლის ხანგრძლივი შეწყვეტის გარანტირებას“, – აღნიშნა მინისტრმა.
ლეკორნუმ ასევე განაცხადა, რომ არ უნდა განიხილონ უკრაინის ომის შემდგომი უსაფრთხოება მხოლოდ ევროპული ჯარების იქ განლაგების კონტექსტში.
