- By Keti Khomeriki
- In პოლიტიკა
საქართველოს პრემიერ-მინისტრი ევროპის პოლიტიკური გაერთიანების სამიტში მონაწილეობს
საპარლამენტო არჩევნების შემდეგ, ირაკლი კობახიძე ევროპის პოლიტიკური გაერთიანების სამიტში მონაწილეობს, რომელიც უნგრეთის დედაქალაქ ბუდაპეშტში იმართება.
პრემიერი მონაწილეობას ევროპული პოლიტიკური გაერთიანების სამიტში ღებულობს.
ბუდაპეშტში შეკრებილი მსოფლიო ლიდერების განხილვის მთავარი თემა ევროპის უსაფრთხოების გამოწვევებია.
ერთ-ერთ პანელურ დისკუსიაზე დაგეგმილია საქართველოს მთავრობის მეთაურის სიტყვით გამოსვლა.
მოლოდინია, რომ გარკვეული გზავნილები გაჟღერდება ჩვენს ქვეყანაში ცოტა ხნის წინ ჩატარებულ საპარლამენტო არჩევნებთან დაკავშირებითაც.
კანდიდატის სტატუსის მქონე ქვეყანა წევრობაზე მოლაპარაკებების გახსნას ელოდება, ევროკავშირს კი საქართველოსთან გაწევრიანების პროცესი რამდენიმე თვეა, შეჩერებული აქვს.
უნგრეთში, რომელიც ევროკავშირის თავმჯდომარე ქვეყანაა, ევროკავშირის ყველა ქვეყნის ლიდერები ჩავიდნენ. სამიტის მიმართ ინტერესს ზრდის აშშ-ის საპრეზიდენტო არჩევნების შედეგებიც.
მოამზადა ირაკლი გუნიამ
