- By Keti Khomeriki
- In პოლიტიკა
საქართველოში ბულგარეთის ელჩი – მინდა, ევროკავშირ-საქართველოს ურთიერთობების გაუმჯობესება ვიხილო, იმედი მაქვს, ორივე მხარე იპოვის გზას, დაუბრუნდეს ნორმალურ ინტერაქციას
უვიზო რეჟიმთან დაკავშირებით დისკუსია ნამდვილად იქნება, იმედია, რომ დისკუსია მოიტანს კარგად გააზრებულ გადაწყვეტილებებს, რომლებიც განხორციელდება, – ამის შესახებ საქართველოში ბულგარეთის ელჩმა, ვესელინ ვალკანოვმა განაცხადა.
რაც შეეხება პერსონალურ სანქციებთან დაკავშირებით დასმულ კითხვას, ელჩის თქმით, აღნიშნულზე გადაწყვეტილება ქვეყნების ლიდერებმა უნდა მიიღონ.
„მე მოლოდინი არ მაქვს. ქვეყნების ლიდერებმა უნდა გადაწყვიტონ. მე ვერ გადავწყვეტ. მე მხოლოდ ის შემიძლია ვთქვა, რომ მინდა, ურთიერთობების გაუმჯობესება ვიხილო, რადგან ეს ჯანსაღი არ არის არც საქართველოსთვის, არც ევროკავშირისთვის. ასე რომ, იმედი მაქვს, ორივე მხარე იპოვის გზას, დაუბრუნდეს ნორმალურ ინტერაქციას“, – განაცხადა ელჩმა.
