სახალხო დღესასწაულის ფარგლებში, მირზა ფათალი ახუნდოვის აზერბაიჯანული კულტურის მუზეუმის ორგანიზებით, აზერბაიჯანული კუთხეც მოეწყო
„თბილისობა 2023“ ქალაქის სამ ლოკაციაზე იმართება, რიყის პარკში, აბანოთუბანში და ორბელიანის მოედანზე სხვადასხვა კულტურულ-გასართობი ღონისძიებები მიმდინარეობს.
მოგახსენებთ, რომ ფესტივალზე, სახელწოდებით „თბილისის მრავალფეროვნება“, გამოფენა არის მოწყობილი.
ასევე სახალხო დღესასწაულის ფარგლებში, მირზა ფათალი ახუნდოვის აზერბაიჯანული კულტურის მუზეუმის ორგანიზებით, აზერბაიჯანული კუთხეც მოეწყო, სადაც წარმოდგენილია კულტურა, ტრადიციები, ეროვნული სამზარეულო, ხელნაკეთი ნივთები და ა.შ. გამოფენა ორი დღის განმავლობაში გაგრძელდება.
„დღეს „თბილისობის“ დღესასწაულზე, საკრებულოს ეროვნულ უმცირესობათა საბჭოს ინიციატივითა და მირზა ფათალი ახუნდოვის აზერბაიჯანული კულტურის მუზეუმის ორგანიზებით, ძველ თბილისში გაკეთდა აზერბაიჯანული თემის კუთხე. აქ შეგიძლიათ ნახოთ აზერბაიჯანული ხალიჩები, ეროვნული ტრადიციები და სამზარეულო“, – ამბობს ლეილა ალიევა, მირზა ფათალი ახუნდოვის აზერბაიჯანული კულტურის მუზეუმის დირექტორის მოადგილე.
