- By Keti Khomeriki
- In მსოფლიო
სერგეი ლავროვი – რუსეთისა და აშშ-ის წარმომადგენლები 27 თებერვალს სტამბოლში შეხვედრას გამართავენ
სტამბოლში 27 თებერვალს რუსი და ამერიკელი დიპლომატები შეხვდებიან, სადაც ორი ქვეყნის საელჩოების მუშაობის პრობლემებს განიხილავენ, – ამის შესახებ რუსეთის საგარეო საქმეთა მინისტრმა, სერგეი ლავროვმა კატარში ვიზიტის შედეგების შესახებ პრესკონფერენციაზე განაცხადა.
მისი თქმით, დიპლომატები, მაღალი დონის ექსპერტები სისტემურ პრობლემებს განიხილავენ, რომლებიც აშშ-ის წინა ადმინისტრაციის უკანონო საქმიანობის შედეგად დაგროვდა.
„ქმნიდა ხელოვნურ დაბრკოლებებს რუსეთის საელჩოს საქმიანობისთვის, რაზეც ჩვენ, ბუნებრივია, ვპასუხობდით საპასუხო ზომებით და ასევე ვქმნიდით არაკომფორტულ პირობებს მოსკოვში ამერიკის საელჩოს მუშაობისთვის“, – აღნიშნა სერგეი ლავროვმა.
აღსანიშნავია, რომ ეს იქნება აშშ-ისა და რუსეთის წარმომადგენლების მეორე შეხვედრა.
მანამდე, 18 თებერვალს ერ-რიადში აშშ-სა და რუსეთის ხელისუფლების წარმომადგენელთა მოლაპარაკებები გაიმართა, სადაც მხარეები, მათ შორის, შეთანხმდნენ ორი ქვეყნის საელჩოების მუშაობის აღდგენაზე.
