სრულიად საქართველოს კათოლიკოს-პატრიარქის აღსაყდრებიდან 47 წელი შესრულდა
მნიშვნელოვანი თარიღი საქართველოსთვის – ერის სულიერი მამა მილოცვებს იღებს.
გუშინ, სრულიად საქართველოს კათოლიკოს-პატრიარქის აღსაყდრებიდან, 47 წელი შესრულდა. სწორედ 1977 წლის 25 დეკემბერს სვეტიცხოვლის ტაძარში გამართული ინტრონიზაციით მართმადიდებლურ ეკლესიაში ისტორიის ახალი ხანა დაიწყო.
პატრიარქობის პირველი წელი განსაკუთრებით მძიმე აღმოჩნდა ილია მეორესთვის – დახურული და მრევლის გარეშე დარჩენილი ტაძრები, ეს იყო გამოწვევა, რომელიც პატრიარქმა წარმატებით დაძლია. ეკლესიებში მრევლის რაოდენობა წლებთან ერთად იზრდებოდა.
პატრიარქის დამსახურებით ქვეყანაში არაერთი ტაძრის მშენებლობას ჩაეყარა საფუძველი.
სწორედ პატრიარქის სახელს უკავშირდება საქართველოს მართმადიდებელი ეკლესიის ავტოკეფალიის აღდგენა. პატრიარქის როლი დიდია საგანმანათლებლო თუ სამეცნიერო კუთხითაც. იგი სხვადასხვა საგალობლების ავტორია. ასევე, პატრიარქს დაწერილი აქვს 20-ზე მეტი ხატი. სრულიად საქართველოს კათოლიკოს-პატრიარქის როლი ასევე მნიშვნელოვანია, 2008 წლის რუსეთ-საქართველოს აგვისტოს ომის დროს კონფლიქტის ზონიდან დაღუპულების გამოყვანის კუთხითაც.
ირაკლი გუნია
