- By Keti Khomeriki
- In მსოფლიო
ურსულა ფონ დერ ლაიენი – მივესალმები დონალდ ტრამპის ვალდებულებას, დაასრულოს ღაზაში მიმდინარე ომი, ევროკავშირი მზადაა, პროცესში წვლილი შეიტანოს
ევროკომისიის პრეზიდენტი ურსულა ფონ დერ ლაიენი მიესალმება აშშ-ის პრეზიდენტის, დონალდ ტრამპის სამშვიდობო გეგმას, რომელიც ღაზაში ომის დასრულებას ისახავს მიზნად.
„მივესალმები პრეზიდენტ დონალდ ტრამპის ვალდებულებას, რომ დაასრულოს ღაზაში მიმდინარე ომი. მოვუწოდებ ყველა მხარეს გამოიყენონ ეს შესაძლებლობა. ევროკავშირი მზადაა, პროცესში წვლილი შეიტანოს“, – წერს ფონ დერ ლაიენი სოციალურ ქსელში.
ევროკომისიის პრეზიდენტის განცხადებით, აუცილებელია ღაზის სექტორში მყოფი მოსახლეობისთვის ჰუმანიტარული დახმარების დაუყოვნებლივი მიწოდება და მძევლების გათავისუფლება.
ცნობისთვის, დონალდ ტრამპმა ბენიამინ ნეთანიაჰუსთან შეხვედრისას ღაზის სამშვიდობო გეგმა წარადგინა.
