უცხოურმა 6 მილიარდიანმა ინვესტიციამ საქართველოს არაკეთილმოსურნეებს ნიღბები ჩამოხსნა
ორიოდე დღის წინ, საქართველოს პრემიერ-მინისტრის, ირაკლი კობახიძის, არაბთა გაერთიანებულ საამიროებში ოფიციალური ვიზიტის ფარგლებში, გაფორმდა ისტორიული მნიშვნელობის შეთანხმება კომპანია Emaar Properties/Eagle Hills-თან. შეთანხმების თანახმად, კომპანია საქართველოში 6 მილიარდი აშშ დოლარის ინვესტიციას განახორციელებს.
ინვესტიცია განხორციელდება თბილისში და გონიოში მულტიფუნქციური დეველოპერული პროექტების განხორციელებისთვის. ეს პროექტები მოიცავს ურბანული ინფრასტრუქტურის განვითარებას, ტურიზმის მხარდაჭერას და ქვეყნის ეკონომიკური პოტენციალის გაძლიერებას.
შეთანხმების სიმბოლურად აღსანიშნავად, დუბაის სიმბოლო, მსოფლიოში ყველაზე მაღალი შენობა – ბურჯ ხალიფა, განათდა საქართველოს ეროვნული დროშის ფერებში, რაც საქართველოს და არაბთა გაერთიანებულ საამიროებს შორის სტრატეგიული პარტნიორობის ხაზგასმა იყო.
ინვესტიცია მიმართული იქნება ურბანული ინფრასტრუქტურის განვითარებაზე, რაც მოიცავს საცხოვრებელ, კომერციულ და რეკრეაციულ სივრცეებს. ასეთი მასშტაბის პროექტები ხელს შეუწყობს ახალი სამუშაო ადგილების შექმნას, ტურისტული ინფრასტრუქტურის გაუმჯობესებას და ქვეყნის ეკონომიკური პოტენციალის გაძლიერებას.
საქართველოს მთავრობის ინფორმაციით, ეს შეთანხმება ქვეყნისთვის სტრატეგიული მნიშვნელობისაა და მნიშვნელოვნად განამტკიცებს საქართველოს როლს საერთაშორისო საინვესტიციო არენაზე.
საქართველოსადმი მტრულად განწყობილ ჯგუფებში დაბანდებულმა თანხამ აჟიოტაჟი გამოიწვია. საზოგადოების ჯანსაღი ნაწილი კი თვლის, რომ ეს საქართველოსთვის კარგია, მაგრამ არსებობს მეორე მხარე – აგენტურული ოპოზიცია, რომელიც მიიჩნევს, რომ უცხოური ინვესტიციები საფრთხეს უქმნის ქვეყნის ეკონომიკურ დამოუკიდებლობას.
6 მილიარდი დოლარის ინვესტიცია გაცილებით მეტი რამეა, ვიდრე უბრალო პოლიტიკური ჟესტი. ასეთი პროექტები ეკონომიკურ ზრდას, სამუშაო ადგილების შექმნას და ტურიზმის გაძლიერებას ემსახურება.
ჩვენ გეტყვით თუ რატომ უნდა დავიცვათ საქართველოში მსგავსი სიდიდის ინვესტიცია :
საქართველო პატარა ქვეყანაა, რომელსაც სჭირდება საერთაშორისო ინვესტიციები, რათა თავისი პოტენციალი რეალიზდეს. მასშტაბური პროექტები, განსაკუთრებით კი რეგიონებში, ხელს უწყობს მოსახლეობის კეთილდღეობას და ქვეყნის განვითარების უფრო გრძელვადიან პერსპექტივას. მსგავსი ინიციატივები აჩვენებს, რომ საქართველო არის სტრატეგიული პარტნიორი და საინტერესოა საერთაშორისო არენაზე.
დაბოლოს, გეტყვით, რომ ნებისმიერი რადიკალური კრიტიკა, რომელიც მთლიანად უარყოფს ინვესტიციის მიღებას, ხშირად ემყარება პოლიტიკურ ინტერესებს და არ ითვალისწინებს ქვეყნის განვითარების ობიექტურ საჭიროებებს, მით უფრო, როცა ეს ,,კრიტიკა” ქვეყნის გამყიდველებისგან გვესმის.
გიული ირემაძე
