- By Keti Khomeriki
- In მსოფლიო
ფრანგული მედიის ცნობით, საფრანგეთში 10 სექტემბერს გამართული საპროტესტო აქციების დროს 675 ადამიანი დააკავეს, მათ შორის 280 პირი პარიზში
საფრანგეთში 10 სექტემბერს გამართული საპროტესტო აქციების დროს პოლიციამ 675 ადამიანი დააკავა, მათ შორის პირი 280 პარიზშია დაკავებული.
ამის შესახებ ფრანგული მედია ქვეყნის შსს-ზე დაყრდნობით წერს.
საფრანგეთის შინაგან საქმეთა სამინისტროს ცნობით, ღამის განმავლობაში ათეულობით აქტივისტის დაკავება გახდა საჭირო.
პარიზის პოლიციის ცნობით, 11 სექტემბრის დილის მონაცემებით, პოლიციის განყოფილებაში 164 ადამიანი რჩება.
ამასთან, პარიზის პოლიციის უფროსის შეფასებით, აქცია „დაბლოკე ყველაფერი“, რომელიც 10 სექტემბერს გაიამართა, წარუმატებელი აღმოჩნდა. მისივე თქმით, აქტივისტებმა სცადეს რამდენიმე სასწავლებლის, გზების და საზოგადოებრივი ტრანსპორტის ბლოკირება, თუმცა უშედეგოდ.
აქციის ორგანიზატორების თქმით, საპროტესტო მოძრაობა გაგრძელდება და მორიგი მასშტაბური დემონსტრაციები 18 სექტემბერს გაიმართება.
