- By Keti Khomeriki
- In მსოფლიო
ღაზაში აცხადებენ, რომ ისრაელის არმიის მიერ სკოლების დაბომბვის შედეგად დაღუპულთა და დაშავებულთა 80 პროცენტი ბავშვია
ისრაელის არმიის მიერ ქალაქ ღაზის სკოლების დაბომბვის შედეგად დაღუპულთა და დაშავებულთა 80 პროცენტი ბავშვია, – ამის შესახებ ინფორმაციას „ალ-ჯაზირა“ ადგილობრივ წყაროებზე დაყრდნობით ავრცელებს.
გავრცელებული ცნობით, ისრაელის არმიამ დაბომბა ჰასან სალამას და ნასრის სკოლები. საერთო ჯამში, დაღუპულია 30 იძულებით გადაადგილებული ადამიანი, რომლებიც სკოლის შენობებს აფარებდნენ თავს.
„ალ-ჯაზირა“ წერს, რომ დაბომბვის შემდეგ ბევრი ადამიანი ნანგრევების ქვეშ არის მოყოლილი.
ისრაელის სამხედროებმა გასცეს ახალი ევაკუაციის ბრძანება ქალაქ ხან იუნისის სამხრეთ და სამხრეთ-აღმოსავლეთ ნაწილებიდან.
ღაზის სექტორში ისრაელის სამხედრო ოპერაციის შედეგად, სულ მცირე, 39 583 ადამიანი დაიღუპა და 91 398 დაშავდა.
