- By Keti Khomeriki
- In მსოფლიო
ღაზის სექტორში ისრაელის დაბომბვას ხუთი ჟურნალისტი ემსხვერპლა
ღაზის სექტორში ისრაელის დაბომბვას ხუთი ჟურნალისტი ემსხვერპლა. ინფორმაციას ამის შესახებ არაბული მედია ავრცელებს.
გავრცელებული ცნობით, ჟურნალისტებს მიკროავტობუსში ეძინათ, როდესაც ტერიტორიაზე საჰაერო იერიში განხორციელდა. მიკროავტობუსი პალესტინის სატელიტური ტელეარხის, „ალ-ყუდსის“ საკუთრებაში იყო. ავტომობილი ნუსეირათის ლტოლვითა ბანაკში ალ-ავდას ჰოსპიტლის ტერიტორიაზე იყო გაჩერებული.
„ისინი მოკლეს ჟურნალისტური და ჰუმანიტარული მოვალეობის შესრულებისას“, – ნათქვამია „ალ ყუდსის“ განცხადებაში.
პარალელურად, „ისრაელის თავდაცვის ძალებმა“ განაცხადა, რომ ღაზის ცენტრალურ ნაწილში საჰაერო თავდასხმის სამიზნე იყო მანქანა, რომელშიც ისლამური ჯიჰადის ტერორისტული უჯრედი იყო.
