- By Keti Khomeriki
- In მსოფლიო
ღაზის სექტორში, ლტოლვილთა ბანაკზე ისრაელის მხრიდან საჰაერო თავდასხმის შედეგად, სულ მცირე, 13 ადამიანი დაიღუპა
ღაზის სექტორში, ლტოლვილთა ბანაკზე ისრაელის მხრიდან საჰაერო თავდასხმის შედეგად, სულ მცირე, 13 ადამიანი დაიღუპა. ინფორმაციას „სიენენი“ ავრცელებს.
მედიის ცნობით, ღაზის სამოქალაქო თავდაცვის უწყება ავრცელებს ინფორმაციას, რომ თავდასხმა ადგილობრივი დროით 02:00 საათზე, ოთხსართულიან შენობაზე განხორციელდა, რომელიც ომის შედეგად დევნილ 100 ადამიანს იფარებდა.
როგორც „სიენენი“ წერს, დაღუპულთა რიცხვი, სავარაუდოდ, გაიზრდება, რადგან ნანგრევებში ამ დრომდე რამდენიმე ადამიანს ეძებენ. სამაშველო ჯგუფები ადგილზე მუშაობას განაგრძობენ.
