ყაზახეთის რესპუბლიკის საელჩოს მხარდაჭერით, გრუნში, გაიხსნა თანამედროვე ტექნიკითა და ლიტერატურით აღჭურვილი ყაზახეთის ისტორიისა და კულტურის კაბინეტი
ყაზახეთის რესპუბლიკის საელჩოს მხარდაჭერით, გრიგოლ რობაქიძის უნივერსიტეტში, გაიხსნა თანამედროვე ტექნიკითა და ლიტერატურით აღჭურვილი ყაზახეთის ისტორიისა და კულტურის კაბინეტი.
კაბინეტის გახსნის საზეიმო ცერემონიაზე, შეკრებილ საზოგადოებას მიმართეს და ქართულ – ყაზახური ურთიერთობების მნიშვნელობის შესახებ ისაუბრეს: საქართველოში ყაზახეთის რესპუბლიკის საგანგებო და სრულუფლებიანმა ელჩმა, მალიკ მურზალინმა; გრუნის სამართლისა და კრიმინოლოგიის სამეცნიერო-კვლევითი ინსტიტუტის დირექტორმა, პროფესორმა მალხაზ ბაძაღუამ, ტერორიზმის კვლევის ცენტრის ხელმძღვანელმა, ასოცირებულმა პროფესორმა, ღონისძიების ორგანიზატორმა ბადრი ნაჭყებიამ.
იმავე დღეს, ღონისძიება გაგრძელდა საერთაშორისო სამეცნიერო-პრაქტიკული კონფერენციით: „ყაზახეთის, როგორც „შუა ძალის“ როლი გლობალური ეკონომიკისა და საერთაშორისო ურთიერთობების ახალი არქიტექტურის ჩამოყალიბებაში“, რომელიც ყაზახეთის რესპუბლიკის დღეს მიეძღვნა.
,,GEO NEWS”
