შინაგან საქმეთა მინისტრი საზოგადოებრივი უსაფრთხოების მართვის ცენტრ 112-ს ეწვია
საქართველოს შინაგან საქმეთა მინისტრი გელა გელაძე, მოადგილე გიორგი ბუთხუზთან ერთად, საზოგადოებრივი უსაფრთხოების მართვის ცენტრს, 112-ს ეწვია. მინისტრი ცენტრის თანამშრომლებს შეხვდა და 112-ის ინფრასტრუქტურა დაათვალიერა.
შინაგან საქმეთა მინისტრსა და მის მოადგილეს 112-ის დირექტორმა, გიორგი არსოშვილმა ცენტრის საქმიანობის ძირითადი მიმართულებების შესახებ დეტალური ინფორმაცია მიაწოდა.
თავის მხრივ, მინისტრმა ყურადღება გაამახვილა სამინისტროს პრიორიტეტულ მიმართულებებზე და თანამშრომლებს გაწეული ეფექტიანი საქმიანობისთვის მადლობა გადაუხადა.
საზოგადოებრივი უსაფრთხოების მართვის ცენტრის დათვალიერებისას შინაგან საქმეთა მინისტრი ადგილზე გაეცნო გადაუდებელი დახმარების ოპერატიული მართვისა და საგზაო მოძრაობის უსაფრთხოების უზრუნველყოფისთვის მოქმედი ვიდეომეთვალყურეობის სისტემას, ასევე, 112-ის ოპერატორების მუშაობის სპეციფიკის დეტალები მოისმინა და მათ პროფესიული საქმიანობის განხორციელებაში წარმატებები უსურვა.
