- By Keti Khomeriki
- In მსოფლიო
ჩეხეთში 3-4 ოქტომბერს საპარლამენტო არჩევნები იმართება
ჩეხეთში 3-4 ოქტომბერს საპარლამენტო არჩევნები იმართება, საარჩევნო უბნები დღეს, ადგილობრივი დროით 14:00 საათზე გაიხსნება და ხმის მიცემა 22:00 საათამდე იქნება შესაძლებელი, ხოლო 4 ოქტომბერს – 08:00 საათიდან 14:00 საათამდე.
ჩეხეთის მოქალაქეებმა 200 დეპუტატი უნდა აირჩიონ.
ეს პირველი არჩევნებია, როდესაც უცხოეთში მყოფ ჩეხებს შეუძლიათ ფოსტით მისცენ ხმა, რათა არ მოუწიოთ საელჩოებში წასვლა.
არჩევნების შედეგები ცნობილი გახდება 4 ოქტომბრის საღამოს.
გამოკითხვებში მრავალი თვის განმავლობაში ლიდერობს ანდრეი ბაბიშის პოპულისტური პარტია ANO და მას აქვს რეალური შანსი, დაბრუნდეს პრემიერ-მინისტრის თანამდებობაზე.
ამასთან, გამოკითხვის მიხედვით, ჩეხეთში ბევრი ადამიანი ვარაუდობს, რომ ბაბიშის გამარჯვება გამოიწვევს საგარეო პოლიტიკის ცვლილებას, მათ შორის უკრაინის მიმართ.
