ცნობილი ექიმი-ფსიქოთერაპევტი, დავით ანდღულაძე გარდაიცვალა
ცნობილი ექიმი-ფსიქოთერაპევტი, ფსიქიატრი დავით ანდღულაძე გარდაიცვალა. ამის შესახებ ინფორმაციას სოციალურ ქსელში მისი და სოფო ანდღულაძე ავრცელებს.
დავით ანდღულაძე ავტოსაგზაო შემთხვევის შედეგად გამოწვეულ ჯანმრთელობის პრობლემებს სამი წლის განმავლობაში ებრძოდა.
დავით ანდღულაძე მკურნალობის ინტენსიურ კურსს გადიოდა, როგორც საქართველოში ისე მის ფარგლებს გარეთ. რამდენიმე თვის წინ, იგი გერმანიიდან საქართველოში დაბრუნდა, სადაც მას არაერთი ოპერაცია ჩაუტარდა, თუმცა მისი ჯანმრთელობის მდგომარეობა მაინც უმძიმესი იყო. ის საწოლს იყო მიჯაჭვული, თუმცა ოჯახი იმედით შეჰყურებდა განგებას და სწამდა, რომ ეს არ მოხდებოდა.
,,Geo news” მწუხარებას გამოთქვამს დავით ანდღულაძის გარდაცვალების გამო და სამძიმარს უცხადებს მის ოჯახს, ნათესავებს, მეგობრებსა და კოლეგებს. გისამძიმრებთ ყველას – დიდი დანაკლისია!
