- By Keti Khomeriki
- In მსოფლიო
ხორვატიის საპრეზიდენტო არჩევნების მეორე ტურში მოქმედი პრეზიდენტი ზორან მილანოვიჩი ლიდერობს
ხორვატიის საპრეზიდენტო არჩევნების მეორე ტურში მოქმედი პრეზიდენტი ზორან მილანოვიჩი ლიდერობს. ინფორმაციას „როიტერი“ ავრცელებს.
როგორც სააგენტო იუწყება, ამ დროისთვის დათვლილია ხმების 98,65%.
ქვეყნის ცენტრალური საარჩევნო კომისიის მონაცემებით, ოპოზიციური „სოციალ-დემოკრატიული პარტიის“ წარმომადგენელმა, მოქმედმა პრეზიდენტმა,ზორან მილანოვიჩმა ხმების 74.58% მოიპოვა. მისმა ოპონენტმა, ხორვატიის „დემოკრატიული კავშირის“ წარმომადგენელმა, დრაგან პრიმორაცმა კი ხმათა 25.42% მიიღო.
არჩევნებში ამომრჩეველთა აქტივობამ 44.15% შეადგინა.
„პირადად ჩემთვის დიდი დღეა და მე ამ გამარჯვებას ჩემი მუშაობის დაფასებად და ხალხის მხრიდან ჩემდამი ნდობის გამოცხადებად ვხედავ“, – განაცხადა მილანოვიჩმა.
არჩევნების პირველი ტური 29 დეკემბერს გაიმართა. მოქმედმა პრეზიდენტმა, ზორან მილანოვიჩმა ხმათა 49,2% მიიღო. მის კონკურენტს, დრაგან პრიმორაკს კი ამომრჩეველთა 19,4%-მა დაუჭირა მხარი.
ცნობისთვის, მილანოვიჩს კრიტიკული დამოკიდებულება აქვს უკრაინის საკითხზე. ის არ ემხრობა ევროკავშირის გადაწყვეტილებას უკრაინის სამხედრო დახმარების შესახებ. ასევე, მილანოვიჩი აკრიტიკებდა რუსეთისთვის სანქციების დაწესების გადაწყვეტილებას.
