ჯანდაცვის მინისტრის მონაწილეობით ქუთაისში აფხაზეთიდან იძულებით გაადაადგილებულ პირებთან შეხვედრა გაიმართა
საქართველოს ჯანდაცვის მინისტრის მონაწილეობით ქუთაისში აფხაზეთიდან იძულებით გაადაადგილებულ პირებთან შეხვედრა გაიმართა. სადაც ითქვა, რომ ქუთაისში ნიკეას ქუჩაზე სამი 12 სართულიანი კორპუსის მშენებლობა დასკვნით ეტაპზეა. პროექტის ფარგლებში 720-ი დევნილი ოჯახი ახალი სტანდარტების, გარემონტებულ ბინას მიიღებს. გარდა ამისა, ქუთაისში კიდევ ერთ ლოკაციაზე მიმდინარეობს დევნილებისთვის ბინების მშენებლობა.
ჯამში კი, ქუთაისში რამდენიმე თვეში 1040 ოჯახს სრულიად გარემონტებული ბინა გადაეცემა. აღსანიშნავია ისიც, რომ აღნიშნული პროგრამა საქართველოს მთავრობამ ჯერ კიდევ 2023 წელს დაიწყო, რომლის ფარგლებშიც იძულებით გადაადგილებული პირებისთვის, საცხოვრებელი ბინების მშენებლობა ერთდროულად ხუთ ქალაქში დაიწყო და ჯამში ბინას 13 000-ი დევნილი მიიღებს.
ავტორი: ირაკლი გუნია
