- By Keti Khomeriki
- In პოლიტიკა
ჰაკან ფიდანი – თურქეთი, აზერბაიჯანი და საქართველო ჩართული ვართ საკმაოდ მნიშვნელოვანი პროექტების განვითარებაში, რაც რეგიონში მშვიდობის დამყარების შესაძლებლობას იძლევა
ჩვენ – თურქეთი, აზერბაიჯანი და საქართველო ჩართული ვართ საკმაოდ მნიშვნელოვანი პროექტების განვითარებაში, რომელთაც საკმაოდ მაღალი სტრატეგიული ფუნქცია აქვთ, – ამის შესახებ თურქეთის საგარეო საქმეთა მინისტრმა, ჰაკან ფიდანმა თურქეთში ქართველ კოლეგასთან, მაკა ბოჭორიშვილთან შეხვედრის შემდეგ განაცხადა.
მისი თქმით, ამ პროექტების განვითარებაში უმნიშვნელოვანესია სამივე ქვეყნის ჩართულობა, რაც რეგიონში მშვიდობის დამყარების შესაძლებლობას იძლევა.
„დიდი ხნის მანძილზე თურქეთი, აზერბაიჯანი და საქართველო ჩართული ვართ საკმაოდ მნიშვნელოვანი პროექტების განვითარებაში, რომელთაც საკმაოდ მაღალი სტრატეგიული ფუნქცია აქვთ. ქალბატონმა მინისტრმა უკვე აღნიშნა, რომ ამ პროექტების განვითარებაში უმნიშვნელოვანესია სამივე ქვეყნის ჩართულობა და ეს ყოველივე, რა თქმა უნდა, შედეგად მოგვცემს რეგიონში მშვიდობის დამყარების შესაძლებლობას. განსაკუთრებით, თუნდაც ავიღოთ კასპიის ზღვის შესაძლებლობები როგორც ევროპული, ასევე გლობალური ბაზრების განვითარებაში. ასევე, რა თქმა უნდა, უმნიშვნელოვანესია შავი ზღვის რეგიონი და მისი პოტენციალი, შეიძლება არც თუ ისე მაღალი ფორმატის პროექტებია, მაგრამ ძალიან მნიშვნელოვანია, ისინი რეგიონული თვალსაზრისით განვავითაროთ. სამ ქვეყანას – თურქეთს, საქართველოსა და აზერბაიჯანს უკვე გვაქვს სამაგალითო ურთიერთობები და ეს შეიძლება ჩაითვალოს სამაგალითო მოდელად სხვა ქვეყნებისათვის“, – განაცხადა თურქეთის საგარეო საქმეთა მინისტრმა.
განცხადება მომზადებულია სინქრონული თარგმანის მიხედვით.
