- By Keti Khomeriki
- In სამართალი
13 ივნისის ტრაგედიიდან 10 წელი გავიდა
ვეტერანების საქმეთა სახელმწიფო სამსახურის დირექტორის მოადგილეებმა – მირონ ჩიგოგიძემ და ჯანდრი უბირიამ, სამსახურის წარმომადგენლებთან ერთად, 13 ივნისის სტიქიის დროს დაღუპულთა მემორიალი ყვავილებით შეამკეს და მათი ხსოვნას პატივი მიაგეს.
2015 წლის 13 ივნისს, თბილისში მოსულმა ძლიერმა წვიმამ, მდინარე ვერეს ადიდება გამოიწვია, რაც მძიმე შედეგებით დასრულდა; სტიქიას 21 ადამიანი შეეწირა, 2 დღემდე დაკარგულად ითვლება, 200-ზე მეტი ოჯახი და 1000-ზე მეტი ადამიანი დაზარალდა. განადგურდა საცხოვრებელი სახლები, გზები, ხიდები, გვირაბები, საყრდენი კედლები და საკომუნიკაციო ინფრასტრუქტურა. მთლიანად დაიტბორა „მზიურისა“ და ზოოპარკის ტერიტორია, სადაც 600-ზე მეტი ცხოველი დაიღუპა. დაზიანდა ქალაქის არაერთი მნიშვნელოვანი მონაკვეთი, მათ შორის ვაკე-საბურთალოს დამაკავშირებელი ესტაკადა, კოჯორი-სამადლოს გზა და ახალდაბა-წყნეთის მონაკვეთი.
სტიქიის სალიკვიდაციო სამუშაოებში, ქართული საზოგადოების გვერდით იდგნენ ომისა და თავდაცვის ძალების ვეტერანები. განსაკუთრებით აღსანიშნავია ახალგაზრდობის ერთიანობა, რომელთაც კონსოლიდაციის სანიმუშო მაგალითი აჩვენეს.
