19 ნოემბერს, საქართველოს საფეხბურთო ნაკრები ჩეხეთს დაუპირისპირდება
19 ნოემბერს, საქართველოს საფეხბურთო ნაკრები ჩეხეთს დაუპირისპირდება, უეფას ერთა ლიგის 2024/25 სეზონის მეექვსე ტურში.
მატჩი გაიმართება ქალაქ ოლომოუცში ადგილობრივი დროით 20:45 საათზე (თბილისის დროით 23:45 საათზე).
ორივე გუნდისთვის შეხვედრა განსაკუთრებულად მნიშვნელოვანია.
საქართველოს ნაკრები ამ მატჩით ერთა ლიგის B ლიგაში დასახელებული პოზიციების განმტკიცებას და სეზონის პოზიტიური დასრულებას ცდილობს, ხოლო ჩეხეთის გუნდი რეაბილიტაციის მიზნით გამარჯვებაზეა ორიენტირებული.
საქართველოს ნაკრების მოთამაშეები, მათ შორის ხვიჩა კვარაცხელია, გიორგი მიქაუტაძე და გიორგი ჩაკვეტაძე, კარგ ფორმაში იმყოფებიან, რაც მოწმობს წინა შეხვედრებში ნაჩვენებ შედეგებს. ჩეხეთის ნაკრები კი გამოცდილი მოთამაშეებით აპირებს მატჩზე დომინირებას.
მატჩის პირდაპირი ტრანსლაცია ხელმისაწვდომი იქნება პირველ არხზე და სხვა სპორტულ პლატფორმებზე.
„ხვალ მნიშვნელოვანი დღეა. საქართველოს ეროვნული ნაკრები ატარებს გასვლით შეხვედრას ჩეხეთში. ეს არის გადამწყვეტი თამაში. მინდა, წარმატებები ვუსურვო ჩვენს ბიჭებს. ყველამ კარგად ვიცით, რამდენად მნიშვნელოვანია აღნიშნულ შეხვედრაში მოგება და სამი ქულა. ბევრი ადამიანი ელოდება ხვალინდელ თამაშს. შესაბამისად, როგორც ყველა წინა შეხვედრაზე, ჩვენ, ფეხბურთის ფედერაციასთან ერთად, ვაკეთებთ ორგანიზებას რესპუბლიკის მოედანზე დაიდგმება ეკრანები, სადაც გულშემატკივარს შეეძლება, თვალი ადევნოს თამაშს და უქომაგოს საქართველოს ნაკრებს. წარმატებებს ვუსურვებ ჩვენს ნაკრებს. დარწმუნებული ვარ, ხვალ სრულიად საქართველოს გაახარებენ კარგი თამაშით“, განაცხადა კახა კალაძემ.
მოამზადა – გიული ირემაძემ
