- By Keti Khomeriki
- In პოლიტიკა
ცესკო პარლამენტის ახალარჩეულ წევრებს დროებით მოწმობებს გადასცემს
ცესკო საქართველოს პარლამენტის ახალარჩეულ წევრებს დროებით მოწმობებს გადასცემს. აღნიშნულთან დაკავშირებით ცესკო განცხადებას ავრცელებს.
„ცენტრალურმა საარჩევნო კომისიამ იმოქმედა საქართველოს ორგანული კანონით („საქართველოს საარჩევნო კოდექსი“) განსაზღვრული ვალდებულებით და არჩევნების საბოლოო შედეგების შეჯამებიდან ორი დღის ვადაში უზრუნველყო საქართველოს პარლამენტის არჩეულ წევრთათვის დროებითი მოწმობების დამზადება.
შესაბამისად, ადმინისტრაციის მხრიდან მოხდება დაკავშირება ბარიერგადალახული საარჩევნო სუბიექტების წარმომადგენლებთან საქართველოს ახალარჩეული პარლამენტის პირველ სხდომამდე მათთვის საქართველოს პარლამენტის წევრად არჩევის შესახებ დროებითი მოწმობების გადაცემის მიზნით“, – აღნიშნულია განცხადებაში.
