- By Keti Khomeriki
- In პოლიტიკა
მიხეილ ყაველაშვილი – ვულოცავ ანდრეი ბაბიშს და მის პარტიას ჩეხეთის საპარლამენტო არჩევნებში გამარჯვებას, რაც არა მხოლოდ ჩეხეთისთვის, არამედ მთლიანად ევროპისთვის მნიშვნელოვანი წინ გადადგმული ნაბიჯია
მინდა, გულწრფელად მივულოცო ანდრეი ბაბიშს და მოძრაობას „ანო“ ჩეხეთის რესპუბლიკის საპარლამენტო არჩევნებში დამაჯერებელი გამარჯვება,- ამის შესახებ საქართველოს პრეზიდენტი მიხეილ ყაველაშვილი სოციალურ ქსელ X-ზე წერს.
მიხეილ ყაველაშვილი აღნიშნავს, რომ საქართველო ჩეხეთთან ორმხრივი ურთიერთობების გაღრმავებისთვის მზადაა.
„მინდა, გულწრფელად მივულოცო ანდრეი ბაბიშს და მოძრაობას „ანო“ ჩეხეთის რესპუბლიკის საპარლამენტო არჩევნებში დამაჯერებელი გამარჯვება, რაც არა მხოლოდ ჩეხეთისთვის, არამედ მთლიანად ევროპისთვის მნიშვნელოვანი წინ გადადგმული ნაბიჯია. იგი ნამდვილი პატრიოტია და ვუსურვებ, რომ მისი ლიდერობის პირობებში ჩეხეთი კიდევ უფრო გაძლიერდეს და განვითარდეს ჩეხი ხალხის საკეთილდღეოდ. საქართველო მზადაა ჩეხეთთან ორმხრივი ურთიერთობების გაღრმავებისთვის“,- აღნიშნავს საქართველოს პრეზიდენტი.
