- By Keti Khomeriki
- In პოლიტიკა
ირაკლი კირცხალია – წინა ადმინისტრაციისა და ელჩის ქმედებების მიუხედავად, საქართველო აშშ-თან მიმართებით ცალმხრივი მეგობრობის რეჟიმში დარჩა და, როგორც ვხედავთ, ამან თავისი შედეგი გამოიღო
წინა ადმინისტრაციისა და ელჩის ქმედებების მიუხედავად, საქართველო ამერიკის შეერთებულ შტატებთან მიმართებით ცალმხრივი მეგობრობის რეჟიმში დარჩა და, როგორც ვხედავთ, ამან თავისი შედეგი გამოიღო, – ამის შესახებ საპარლამენტო უმრავლესობის ლიდერმა, ირაკლი კირცხალიამ ბრიფინგზე განაცხადა.
კირცხალიას თქმით, დღეს, დონალდ ტრამპი ღიად აცხადებს, რომ ებრძვის „დიფ სთეითს“ და მის სტრუქტურებს ამერიკის შეერთებულ შტატებში.
„ქართული ოცნების“ და საქართველოს ხელისუფლების წინააღმდეგ მსგავს არადიპლომატიურ ქმედებებთან და პოლიტიკურ ზეწოლასთან გვქონდა საქმე ამერიკის შეერთებული შტატების წინა ადმინისტრაციის და მათ მიერ დანიშნული ელჩის პირობებშიც. ამას ადასტურებს თუნდაც ის ფაქტი, რომ ამერიკის შეერთებული შტატების ხელისუფლებაში დონალდ ტრამპის მოსვლის შემდეგ, მათ საქართველოში აკრედიტებული ელჩის პენსიაში გაშვება მოუწიათ. წინა ადმინისტრაციის და ელჩის ქმედებების მიუხედავად, საქართველო ამერიკის შეერთებულ შტატებთან მიმართებით ცალმხრივი მეგობრობის რეჟიმში დარჩა და, როგორც ვხედავთ, ამან თავისი შედეგი გამოიღო. დღეს, დონალდ ტრამპი ღიად აცხადებს, რომ ებრძვის „დიფ სთეითს“ და მის სტრუქტურებს ამერიკის შეერთებულ შტატებში. შესაბამისად, ველით, რომ ის გარკვეული პაუზა, რომელიც ჩვენი ქვეყნების ურთიერთობებში შეიმჩნევა და რომელიც უკვე დიდხანს გაგრძელდა, მალე დასრულდება და ამერიკის შეერთებული შტატები საქართველოსთან მიმართებით სწორ პოზიციას დააფიქსირებს“, – განაცხადა კირცხალიამ.
