- By Keti Khomeriki
- In პოლიტიკა
ირაკლი კობახიძემ მერაბ კოსტავას ახლად რეაბილიტირებული მემორიალური სახლ-მუზეუმი დაათვალიერა
საქართველოს პრემიერ-მინისტრმა, ირაკლი კობახიძემ, პარლამენტის თავმჯდომარესთან, შალვა პაპუაშვილთან, თბილისის მერთან, კახა კალაძესთან და კულტურის მინისტრთან, თინათინ რუხაძესთან ერთად, მერაბ კოსტავას ახლად რეაბილიტირებული მემორიალური სახლ-მუზეუმი დაათვალიერა.
საქართველოს მთავრობის მიერ გავრცელებული ინფორმაციით, განახლებულ მუზეუმში დაცულია ეროვნული გმირის ცხოვრებისა და მოღვაწეობის ამსახველი უნიკალური მასალა, მათ შორის მერაბ კოსტავას პირადი ნივთები, მემორიალური ავეჯი, ბიბლიოთეკა, ხელნაწერები და ფოტოარქივი.
მათივე ცნობით, რეაბილიტაციის შედეგად მუზეუმის ფართობი გაიზარდა, ის აღიჭურვა უახლესი ტექნიკითა და ტექნოლოგიებით, ასევე შეიქმნა თანამედროვე, საერთაშორისო სტანდარტების შესაბამისი საგანმანათლებლო სივრცე და ფონდსაცავი, რაც მუზეუმში დაცული 20 000-ზე მეტი ექსპონატის სათანადო შენახვას უზრუნველყოფს.
