- By Keti Khomeriki
- In სიახლეები
მამუკა მდინარაძე – საქართველო აუცილებლად გახდება ევროპული ოჯახის წევრი, ოღონდ არა ცალ ფეხზე დგომის, შავი ფულით ქვეყნის მართვაში ჩარევის ხარჯზე, ამას საქართველო აღარასდროს დაუშვებს
ხალხს ვეღარ მოატყუებთ და სიმართლესაც ვერაფერი მოერევა, განსაკუთრებით მაშინ, როდესაც ამ სიმართლეს ხალხის მხარდაჭერა აქვს, – ამის შესახებ საპარლამენტო უმრავლესობის ლიდერი მამუკა მდინარაძე სოციალურ ქსელში წერს.
მდინარაძის თქმით, მხოლოდ ლობირების იმედად დარჩენილი უსამშობლო ადამიანების მხარდაჭერა აქვს დეზინფორმაციას და შავი ფულით ქვეყნის დამოუკიდებლობაში ჩარევის მცდელობას. მამუკა მდინარაძის განმარტებით, დემოკრატია ნიშნავს ხალხის ძალაუფლებას.
„ქვეყნის კურსი ჩვენ კონსტიტუციით განვსაზღვრეთ და ზუსტად ვიცით, რომ საქართველო აუცილებლად გახდება ევროპული ოჯახის სრულფასოვანი წევრი, ოღონდ არა ცალ ფეხზე დგომის, ეროვნული თავმოყვარეობის შელახვის, ეროვნული იდენტობის დაკარგვის, გაუმჭვირვალობის და შავი ფულით ქვეყნის მართვაში ჩარევის ხარჯზე! ამას საქართველო აღარასდროს დაუშვებს!“ – წერს მამუკა მდინარაძე.
