,,GEO NEWS”-ის ჟურნალისტს ირაკლი გუნიას ჟურნალისტურ საქმიანობაში სავარაუდო ხელის შეშლაზე სპეციალური საგამოძიებო სამსახური გამოკითხავს
,,GEO NEWS”-ის ჟურნალისტის მიმართ რადიკალური ჯგუფების მხრიდან განხორციელებული მუქარის, ბულინგისა და ჟურნალისტურ საქმიანობაში ხელის შეშლის ფაქტზე, სპეციალურ საგამოძიებო სამსახურში ხვალ ჩვენი ჟურნალისტი ირაკლი გუნია გამოიკითხება.
სისხლის სამართლის საქმე შსს-ს ფოთის მთავარ სამმართველოში ირაკლი გუნიას საცხოვრებელი ადგილის მიხედვით აღიძრა, რაც შემდგომში კომპეტენციისა და განსჯადობის თანახმად, ირაკლი გუნიას გამოკითხვის მერე, გამოსაძიებლად სპეციალურ საგამოძიებო სამსახურს გადაეცა.
როგორც ჟურნალისტი განმარტავს, საგამოძიებო უწყებას შეურაცხყოფისა და მუქარის, ასევე ჟურნალისტურ საქმიანობაში ხელის შეშლის ფაქტზე სრულ ინფორმაციას მიაწვდის.
შსს-ს ფოთის მთავარმა სამმართველომ საკითხის მიმართ პროფესიონალიზმი და ოპერატიულობა გამოავლინა, რაც იმედი გვაქვს სპეციალურ საგამოძიებო სამსახურშიც გამოვლინდება, რომელიც მართალია ახლად შექმნილია, თუმცა ახალგაზრდა პროფესიონალებითაა დაკომპლექტებული, ეს კი იმედს გვიჩენს, რომ საქმეზე ჭეშმარიტება მყისიერად დადგინდება.
ქეთი ხომერიკი, გიორგი კორძაძე
,,GEO NEWS”
