- By Keti Khomeriki
- In მსოფლიო
ლიეტუვის საპარლამენტო არჩევნების პირველი ტურის შედეგად სოციალ-დემოკრატები ლიდერობენ
ლიეტუვაში 13 ოქტომბერს ჩატარებული საპარლამენტო არჩევნების პირველი ტურის შედეგად, ყველა საარჩევნო უბანზე ბიულეტენების დათვლის შედეგად, პირველი ტური მოიგო ოპოზიციურმა სოციალ-დემოკრატიულმა პარტიამ ხმების 19,3 პროცენტით. საპარლამენტო არჩევნების შუალედურ შედეგებს ასევე აქვეყნებს ადგილობრივი მედიაც.
ქვეყნის მოქმედი პრემიერ-მინისტრის, ინგრიდა შიმონიტეს კონსერვატიული „სამშობლოს კავშირი“ მეორე ადგილზე გავიდა 17,9 პროცენტით. მესამე ადგილზეა 14,9%-ით რემიგიუს ჟემაიტაიტისის პოპულისტური პარტია „ნემანის გარიჟრაჟი“, რომელიც ცნობილია აშკარა ანტისემიტური რიტორიკით. ლიეტუვის ისტორიაში პირველად ხდება, როდესაც მსგავსი პარტია შესაძლოა, გახდეს პარლამენტში ერთ-ერთი წამყვანი ძალა.
მეოთხე ადგილი დაიკავა დემოკრატების კავშირმა „ლიტვისთვის“ 9,2%-ით, მეხუთე ადგილზეა „ლიტვის გლეხთა და მწვანეთა კავშირი“ 7,7 პროცენტით. ხუთპროცენტიანი ბარიერი ასევე გადალახა ლიბერალურმა მოძრაობამ, რომელმაც ამომრჩეველთა შვიდი პროცენტის მხარდაჭერა მოიპოვა.
ლიეტუვის სეიმის არჩევნებში მონაწილეობა მიიღო ამომრჩეველთა 52,06%-მა. ამომრჩეველთა აქტივობა წინა არჩევნებთან შედარებით 5%-ით მეტი აღმოჩნდა.
