- By Keti Khomeriki
- In მსოფლიო
საფრანგეთის საგარეო საქმეთა მინისტრი – ფუნდამენტური თავისუფლებები და პოლიტიკური პლურალიზმი უნდა იყოს დაცული, რომ საქართველომ შეძლოს ევროკავშირის გზაზე დაბრუნება
საფრანგეთის საგარეო საქმეთა მინისტრი ჟან-ნოელ ბარო საქართველოში 26 ოქტომბერს ჩატარებულ საპარლამენტო არჩევნებს სოციალურ ქსელ X-ში ეხმაურება.
მისი თქმით, ფუნდამენტური თავისუფლებები და პოლიტიკური პლურალიზმი უნდა იყოს დაცული, რომ საქართველომ შეძლოს ევროკავშირის გზაზე დაბრუნება.
„ეუთო/ოდირის წინასწარი დასკვნები ადასტურებს ჩვენს შეშფოთებას საქართველოში ბოლო დროს განვითარებულ მოვლენებთან დაკავშირებით, სადაც ახლახან ჩატარდა საპარლამენტო არჩევნები. ჩვენ ველოდებით, რომ ხელისუფლება გამოიძიებს დარღვევების შესახებ ბრალდებებს. ფუნდამენტური თავისუფლებები და პოლიტიკური პლურალიზმი უნდა იყოს დაცული, რომ საქართველომ შეძლოს ევროკავშირის გზაზე დაბრუნება“, – წერს სოციალურ ქსელ X-ში საფრანგეთის საგარეო საქმეთა მინისტრი ჟან-ნოელ ბარო.
