- By Keti Khomeriki
- In მსოფლიო
დონალდ ტრამპმა სუზი უაილზი თეთრი სახლის აპარატის ხელმძღვანელად დაასახელა
აშშ-ის არჩეულმა პრეზიდენტმა, დონალდ ტრამპმა განაცხადა, რომ თეთრი სახლის აპარატის ხელმძღვანელი, მისი საარჩევნო კამპანიის ერთ-ერთი მენეჯერი სუზი უაილზი იქნება.
67 წლის სუზი უაილზი პირველი ქალი იქნება, რომელიც თეთრი სახლის აპარატის ხელმძღვანელის პოზიციას დაიკავებს.
„სუზი უაილზმა დამეხმარა ამერიკის ისტორიაში ერთ-ერთი უდიდესი პოლიტიკური გამარჯვების მიღწევაში და 2016 და 2020 წლებში ჩემი წარმატებული კამპანიის განუყოფელი ნაწილი იყო. სუზი გააგრძელებს დაუღალავად მუშაობას, რათა ამერიკა კვლავ დიადი გახდეს. პატივია, რომ სუზი შეერთებული შტატების ისტორიაში თეთრი სახლის აპარატის პირველი ქალი ხელმძღვანელი იქნება. ეჭვი არ მეპარება, რომ ჩვენი ქვეყანა იამაყებს მისით“, – განაცხადა ტრამპმა.
როგორც „როიტერი“ წერს, მანამდე სუზი უაილზი რონალდ რეიგანის 1980 წლის საპრეზიდენტო შტაბში მუშაობდა.
