- By Keti Khomeriki
- In მსოფლიო
„ბილდი“ – რუსული ჯარები დონეცკის ოლქის ქალაქ კურახოვოში შევიდნენ და ქალაქის ტერიტორიის დაახლოებით, 15 პროცენტი დაიკავეს
რუსული ჯარები უკრაინაში დონეცკის ოლქის ქალაქ კურახოვოში შევიდნენ და ქალაქის ტერიტორიის დაახლოებით, 15 პროცენტი დაიკავეს, – ამის შესახებ ინფორმაციას „ბილდი“, ღია მონაცემთა ანალიზის ექსპერტ იულიან რიოპკეზე დაყრდნობით წერს.
მოხსენების თანახმად, უკრაინის შეიარაღებულ ძალებს კუხაროვოს მახლობლად ალყა ემუქრება, რადგან ჩრდილოეთიდან წყალსაცავია, ხოლო რუსული ჯარები აღმოსავლეთიდან, სამხრეთ-აღმოსავლეთიდან და სამხრეთ-დასავლეთიდან მიიწევენ წინ.
იულიან რიოპკე აცხადებს, რომ რუსეთის შეიარაღებულმა ძალებმა მოახერხეს 5-6 კმ-იანი წინსვლა და შევიდნენ სოფელ დალნეიეში, რამაც უკრაინის არმიის ნაწილების დაყოფა გამოიწვია.
მითითებულია, რომ ახლა უკრაინის შეიარაღებული ძალების მებრძოლებისთვის ალყიდან გამოსვლის ერთადერთ გზად რჩება სოფელი კონსტანტინოპოლსკოე.
