- By Keti Khomeriki
- In მსოფლიო
სლოვაკეთში ანტისამთავრობო აქცია გაიმართა
სლოვაკეთში მთავრობის წინააღმდეგ მასშტაბური აქცია გაიმართა.
ბრატისლავაში ათასობით ადამიანი რობერტ ფიცოს მთავრობის პოლიტიკის წინააღმდეგ საპროტესტო აქციაზე გავიდა.
საპროტესტო აქციაში მონაწილეობას იღებდნენ ოპოზიციური ძალები, მათ შორის „პროგრესული სლოვაკეთი“, „თავისუფლება და სოლიდარობა“ და კონსერვატიული „ქრისტიან-დემოკრატები“. აქციის მონაწილეებმა განაცხადეს, რომ სლოვაკეთის პრემიერ-მინისტრი რობერტ ფიცო საფრთხეს უქმნის დემოკრატიას.
აქციის მონაწილეებს ეჭირათ პლაკატები წარწერით: „მთავრობა გვართმევს თავისუფლებასა და დემოკრატიას“.
„პროგრესული სლოვაკეთის“, რომელიც ამჟამად ქვეყნის ყველაზე პოპულარული პარტიაა, თავმჯდომარემ, მიხალ შიმეჩკამ განაცხადა, რომ ოპოზიცია ყველაფერს გააკეთებს თავისუფლებისა და დემოკრატიის დასაცავად.
„სლოვაკეთი არის და იქნება თავისუფალი ადამიანების ქვეყანა, ხოლო თავისუფალი ადამიანები არ გაჩუმდებიან“, – განაცხადა შიმეჩკამ.
