- By Keti Khomeriki
- In მსოფლიო
მარია ზახაროვა – რუსეთი მზადაა, უკრაინის კონფლიქტთან დაკავშირებით განიხილოს ნებისმიერი სამშვიდობო ინიციატივა, რომელიც ითვალისწინებს რუსეთის ინტერესებს და ადგილზე არსებულ ვითარებას
რუსეთი მზადაა, უკრაინის კონფლიქტთან დაკავშირებით განიხილოს ნებისმიერი რეალისტური სამშვიდობო ინიციატივა, რომელიც ითვალისწინებს რუსეთის ინტერესებს და ადგილზე არსებულ ვითარებას, – ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.
მისივე თქმით, რუსეთი ღიაა მოლაპარაკებებისთვის.
„ჩვენ ღია ვართ მოლაპარაკებებისთვის. რა თქმა უნდა, მზად ვართ, განვიხილოთ ნებისმიერი რეალისტური, არაპოლიტიზებული ინიციატივა“, – განაცხადა ზახაროვამ.
როგორც მარია ზახაროვამ აღნიშნა, რუსეთი განიხილავს მხოლოდ ისეთ მოლაპარაკებას, რომელიც დაფუძნებული იქნება მოსკოვის ინტერესების გათვალისწინებაზე.
„კიდევ ერთხელ მინდა, ხაზგასმით აღვნიშნო: საკვანძო ფრაზებია ჩვენი ქვეყნის ინტერესების გათვალისწინება, ადგილზე არსებული ვითარება და შესაბამისი შეთანხმებების შესრულების გარანტიები“, – აღნიშნა ზახაროვამ.
