,,ქართული ოცნების” რეგიონალური ლიდერი ჯუმბერ იზორია ირაკლი კობახიძეს პრემიერ-მინისტრის პოსტზე წარდგენას ულოცავს

საქართველოს პარლამენტის ყოფილი წვერი და ამჟამად, ჩხოროწყუს საკრებულოს წევრი, ჯუმბერ იზორია ირაკლი კობახიძის პრემიერ-მინისტრის პოსტზე წარდგენას სოციალურ ქსელში ეხმაურება.

როგორც ჯუმბერ იზორია წერს, ირაკლი კობახიძის ხელმძღვანელობით, საქართველო იქნება სიძლიერისა და წარმატების სიმბოლო.

“ბატონო ირაკლი, გულითადად გილოცავთ პრემიერ-მინისტრად წარდგენას!

თქვენი მრავალწლიანი შრომა და წვლილი ქვეყნის პოლიტიკურ განვითარებაში უდიდეს პატივისცემას იმსახურებს. თქვენ გამოიჩინეთ თავი, როგორც პრინციპულმა ლიდერმა, რომლის ხედვა, სტრატეგიული გადაწყვეტილებები და შეუპოვარი შრომა გამიზნულია საქართველოს სტაბილურობის, ეკონომიკური წინსვლისა და დემოკრატიული განვითარებისკენ.

თქვენი საქმიანობა განსაკუთრებულად აღსანიშნავია ქვეყნისთვის მშვიდობისა და სტაბილური განვითარების უზრუნველყოფის კუთხით. მტკიცე და გაწონასწორებული ხელმძღვანელობის წყალობით, საქართველო ნელ-ნელა იკრებს ძალას, რომ გახდეს ძლიერი, თანამედროვე და პროგრესული სახელმწიფო.

თქვენი მენეჯმენტისა და პასუხისმგებლობის მაღალი გრძნობა ნდობის საფუძველია, რომ ქვეყანა გააგრძელებს განვითარების გზას, გააძლიერებს საერთაშორისო კავშირებს და დაამკვიდრებს მშვიდობასა და სტაბილურობას რეგიონში.

დაე, თქვენი მმართველობა იყოს აღსავსე მიღწევებით, რომლებიც კიდევ უფრო გააძლიერებს საქართველოს პოლიტიკურ, ეკონომიკურ და სოციალურ მიმართულებებს. გისურვებთ გამძლეობას, სიბრძნეს და წარმატებას ქვეყნის საკეთილდღეოდ!

ჩვენ ვენდობით თქვენს ძალისხმევასა და ლიდერობას და მტკიცედ გვჯერა, რომ თქვენი ხელმძღვანელობით, საქართველო იქნება სიძლიერისა და წარმატების სიმბოლო!”,- წერს სოციალურ ქსელში ჯუმბერ იზორია.

შეგახსენებთ, დღეს ,,ქართული ოცნების” საპატიო თავმჯდომარემ, ბიძინა ივანიშვილმა პრემიერ-მინისტრობის კანდიდატად ირაკლი კობახიძე დაასახელა.