შსს-ს ინფორმაციით, კობა ხაბაზზე თავდასხმის ფაქტზე გამოძიება 126-ე მუხლით დაიწყო

შინაგან საქმეთა სამინისტროს ინფორმაციით, „კოალიცია ცვლილებისთვის“ წევრზე, კობა ხაბაზზე თავდასხმის ფაქტზე გამოძიება სისხლის სამართლის კოდექსის 126-ე, ძალადობის მუხლით დაიწყო.

„ჯგუფური ძალადობის ფაქტზე გამოძიება 126-ე მუხლით არის დაწყებული“, – განუცხადეს საქართველოს პირველ არხს უწყებაში.

„კოალიცია ცვლილებისთვის“ წევრს, კობა ხაბაზს პარტიის ოფისთან დაესხნენ თავს. როგორც თავად კობა ხაბაზი აცხადებს, პარტიის ოფისიდან გამოსვლის დროს 50-მდე პირი დაესხა თავს.